Home

Stichting Slachtofferhulp Curaçao

Den bida por surgi situashon ferfelu ku por afektá bo bida drástikamente. Un aksidente di tráfiko òf krímen, asta den bo mes kas òf famia, por hasi bo víktima di un momentu pa otro. Den e kasonan aki Stichting Slachtofferhulp Curaçao (Fundashon Yudansa pa Víktima) ta kla pa yuda ABO. E krímen o suseso a tuma lugá basta tempu pasá pero ainda e ta afektá bo? Den e kaso ei tambe bo por drenta den kontakto ku nos. Komo víktima bo tin derechi riba yudansa.

Stichting Slachtofferhulp Curaçao ta brinda bo e yudansa aki kompletamente grátis i durante 24 ora. Nos ta duna informashon, guia i sosten mesora di un manera profesional i konfidensial. Si pa un motibu òf otro abo no por yega serka nos, nos por yega serka bo.