Aki bou bo ta haña mas detaye di  situashonnan ku SSHC por yuda kune, 
kua ta e servisionan ku SSHC por ofresé 
i algun tep importante basá riba e problemátika.

Abusu relashonal

Abusu relashonal ta abusu/maltrato ku ta ser kometé dor di un persona ku ta forma parti di e seno familiar di e víktima. E perosna aki por ta un (èks) kasa/pareha/frei, kualke un miembro di famia (p.e.: yu, ruman, tio primu ets.) òf un bon amigu(a) di kas.

Tipo di abusu relashonal:
1. Físiko (E víktima ta ser maltrata kaminda ta risibí daño, herida i dolor dor di e abusador na partinan di kurpa (ku chèns di laga asta marka atras).
2. Emoshonal/Mental (E víktima ta den un posishon kaminda e ta sinti òf pensa ku e no ta konta òf e no ta bal nada komo persona. Tambe ta yama e víktima nòmbernan òf palabranan insolente.
3. Seksual (E víktma ta ser obliga pa tene reelashon seksual òf ta ser viola dor di e abusador).
4. Finansiero (E víktima ta traha i e abusador ta gasta su sèn òf e víktima ta depende finansieramente di e abusador).
5. Pèrmit di estadia 

  • Informashon pa pre​vení ripitishon
  • Sosten pa dil ku emoshon manera insiguridat, miedu, bèrguensa, agreshon, rabia, doló, deskonfiansa òf tristesa.
  • Guia i kompaño ora bo mester bai òf tuma kontakto ku polis, dòkter, ministerio públiko (fiskal), abogado òf korte.
  • Yuda bo yena formulario, traha karta òf petishon pa regla daño i perhuisio.
  • Papia e bèrdat sin miedu i no skonde nada ora bo pidi yudansa
  • Saka potrèt i dokumenta tur prueba di e agreshon
  • Bishitá bo dòkter di kas, den kaso di abusu físiko i pidi un karta
  • Hasi denunsia na polis i pidi prueba di bo denunsia
  • Nunka entregá bo dokumento original, semper laga traha kopia
  • Si bo ta sospechá òf sa di un persona ku ta pasa den abusu relashonal, hal'é un banda, papia kuné i motiv'é pa buska yudansa

Abusu seksual/Violashon

Abusu seksual/violashon ta un nòmber general ku ta ser uza pa definí diferente delito penal den kual un persona ta obligá su víktima pa komete òf forma parti di un akto seksual kontra su boluntat. E víktima por ta un menor òf un mayor di edat.
Pornografia infantil i hasi aktonan seksual ku un persona ku no por ekspresá su boluntat (paso p.e.: e ta drumí, bou di influensia di alkohòl, droga òf kualke otro remedi, tin un deskapasidat mental) tambe ta kai bou di un delito seksual.

  • Papia e bèrdat sin miedu i no skonde nada ora bo pidi yudansa
  • Saka potrèt i dokumenta tur prueba ku por a keda atras
  • Bishitá bo dòkter di kas pa kontrola (mes ora) i pidi un karta
  • Hasi denunsia na polis i pidi prueba di bo denunsia
  • Nunka entregá bo dokumento original, semper laga traha kopia
  • Si ta trata di un menor di edat: opservá kambio den komportashon, prestashon na skol
  • Si bo ta sospechá òf sa di un persona ku ta víktima di un delito seksual, hal'é un banda, papia kuné i motiv'é pa buska yudansa
  • Sosten emoshonal (Guia na instansia indiká)
  • Sosten durante e proseso pa hasi un denunsia
  • Tene víktima na altura di proseso di su denunsia
  • Hasi petishon pa daño i perhuisio den korte
  • Sosten emoshonal durante kaso den korte

Abusu/Maltrato

Abusu/Maltrato ta ora konsientemente ta agredí i/òf hasi un persona dolor físikamente(p.e.: dal, skòp, hasi uzo di opheto).
Intimidashon, menospresio i/òf tenta/pèst tambe ta ser konsiderá komo abusu/maltrato (mental/emoshonal).

  • Papia e bèrdat sin miedu i no skonde nada ora bo pidi yudansa
  • Saka potrèt i dokumenta tur prueba ku por a keda atras
  • Bishitá bo dòkter di kas pa kontrola (mes ora) i pidi un karta
  • Hasi denunsia na polis i pidi prueba di bo denunsia
  • Nunka entregá bo dokumento original, semper laga traha kopia
  • Si ta trata di un menor di edat: opservá kambio den komportashon, prestashon na skol
  • Si bo ta sospechá òf sa di un persona ku ta víktima di un delito seksual, hal'é un banda, papia kuné i motiv'é pa buska yudansa
  • Sosten emoshonal (Guia na instansia indiká)
  • Sosten durante e proseso pa hasi un denunsia
  • Tene víktima na altura di proseso di su denunsia
  • Hasi petishon pa daño i perhuisio den korte
  • Sosten emoshonal durante kaso den korte

Abusu verbal/Menasa

Menasa ta na momentu ku un persona bisa ku e lo hasi un otro persona un daño. (p.e.: bisa ku elo agredí òf ku lo mata. Esaki por pasa tur kaminda i dor di kualke un persona konosí òf deskonosí)

  • Sosten emoshonal (Guia na instansia indiká)
  • Sosten durante e proseso pa hasi un denunsia
  • Tene víktima na altura di proseso di su denunsia
  • Hasi petishon pa daño i perhuisio den korte
  • Sosten emoshonal durante kaso den korte
  • Papia e bèrdat sin miedu i no skonde nada ora bo pidi yudansa
  • Saka potrèt i dokumenta tur prueba ku por a keda atras
  • Hasi denunsia na polis i pidi prueba di bo denunsia
  • Nunka entregá bo dokumento original, semper laga traha kopia
  • Si ta trata di un menor di edat: opservá kambio den komportashon, prestashon na skol

"Stalking"
Persigui un hende

"Stalking" ta ora konsientemente un persona ta akosá un otro persona tur momentu, lagando e sinti su mes insigur. Konstantemente ta persigui e víktima, ta yam'é òf manda mensahe no deseá via di telefòn, ta menasa di hasi e víktima un daño. 

  • Kibra tur komunikashon ku e persona
  • Kambia bo number(nan) di telefòn
  • Dokumenta tur prueba (mensahenan/kantidat di yamada
  • Saka potrèt tur ora ku e ta para pafo di bo kas/trabou/skol
  • Hasi denunsia na polis i pidi prueba di bo denunsia
  • Nunka entregá bo dokumento original, semper laga traha kopia
  • Sosten emoshonal (Guia na instansia indiká)
  • Sosten durante e proseso pa hasi un denunsia
  • Tene víktima na altura di proseso di su denunsia
  • Hasi petishon pa daño i perhuisio den korte
  • Sosten emoshonal durante kaso den korte

Atrako/Kiebro/Ladronisia

Atrako ta na momentu ku un persona deskonosí ta obligá bo pa entregá sèn i/òf pertenensianan bou di preshon, menasa uzando forsa den kombinashon ku maltrato físiko. (Por uza opheto p.e.: kuchu i/òf arma di kandela durante di e akto aki). 
Kiebro/Ladronisia ta sosode ora e víktima no tabata presente durante di e akto, kaminda deskonosí ta tuma posishon di tur e kosnan di balor ku na e momentu ei ta na alkanse. 
*Tur esaki por pasa na un kas, un negoshi, den un outo i/òf riba kaya.

  • Sosten emoshonal (Guia na instansia indiká)
  • Hasi petishon pa daño i perhuisio den korte
  • Sosten emoshonal durante kaso den korte
  • Si bo ta presente durante di e akto, NUNKA uza forsa bèk kontra e persona(nan)
  • Purba keda mas trankil ku ta posibel i hasi tur loke bisa pa hasi
  • Yama polis mes ora òf buska yudansa di personanan den e area
  • Saka potrèt i dokumenta tur prueba ku por a keda atras
  • Bishitá bo dòkter di kas pa kontrola den kaso di abusu físiko i pidi un karta
  • Pidi semper e rapòrt di polis komo prueba
  • Nunka entregá bo dokumento original, semper laga traha kopia

Desgrasia di outo ku morto

"aksidente di tráfiko ku konsekuensia fatal" ta na momentu ku surgí aksidente di tráfiko den kual persona(nan) a resulta gravemente heridá òf ku a muri akonsekuensia di sla.

  • Sosten emoshonal(Guia na instansia indiká)
  • Duna demas famia/konosí e mal notisia
  • Informashon tokante posiblidatnan di konpensashon na seguro
  • Si e bira un kaso penal: hasi petishon pa daño i perhuisio

Un konfrontashon kaminda partido(nan) ta tira otro

  • Sosten emoshonal (Guia na instansia indiká)
  • Hasi petishon pa daño i perhuisio den korte
  • Sosten emoshonal durante kaso den korte
  • Duna mal notisia na famia (si esei ta e kaso)

Tiroteo

Trafikashon di hende i kontrabanda di hende

Trafikashon di hende ta nifiká rekluta abase di engaño, transporta òf interkambia persona(nan) kontra di nan boluntat ku e proposito pa eksplotanan, violando e derechi di liberdat. p.e.: prostitushon obligá, traha sin pago i/òf menos sèn ku normalmente mester gana pa e trabou.

Kontrabanda di hende ta nifiká trafikashon di hende di un manera ilegal di un pais pa otro. Ku ta bira un delito di karkater internashonal.

  • Yuda e víktima pa aserka e istnasianan konserní ku hiba e kaso korte. (Si e por bira un kaso penal e proseso lo sigui bou di guia di SSHC)
  • Sosten emoshonal (Guia na instansia indiká)
  • Hasi petishon oa daño i perhuisioden korte
  • Sosten emoshonal durante kaso den korte

Kandela Intenshonal

Kandela intenshonal ta ora un propiedat di bo wòrdu sendé na kandela ku e meta pa hasi abo òf bo propiedat daño. 

  • Sosten emoshonal (Guia na instansia indiká)
  • Hasi petishon pa daño i perhuisio den korte
  • Sosten emoshona; durante kaso den korte
  • Duna mal notisia na famia (si esei ta e kaso)

Daño i perhuisio

Si bo a risibí un daño, naturalmente bo lo ke un konpensashon!
Yama i traha un sita ku un funshonario di Stichting Slachtofferhulp (Fundashon Yudansa pa Víktima) asina bo risibí e notifikashon di Ministerio Públiko. 

Dokumentonan ku mester:
1. Kopia di ID (validó)
2. Kopia di e notifikashon di Ministerio Públiko
3. Kopia di faktura (nan)
4. Kopia di denunsia i/òf rapòrt di polis
5. Karta(nan) di dòkter i/òf sikólogo
6. Karta firma dor di bo persona ku ta duna Stichting Salchtofferhulp (Fundashon Yudansa pa Víktima) e outorisashon pa representá bo den korte 

SSHC na su turno lo entregá bo petishon di daño i perhuisio na Ministerio Públiko.
Tene na kuenta ku e petishon MESTER keda entregá mas tardá 3 dia promé ku e kaso

Kalamidat

Kalamidat ta un evento NO intenshoná òf inesperá ku ta relashona ku e kalidat di e atenshon i ku a resultá den morto di persona i/òf konsekuensianan dañino pa e komunidat den su totalidat.
P.e.: Temporada di mal tempu (Orkan, Warwaru, Temblor ets.), Aksidente aereo, eksploshon.

  • Sosten emoshonal (Guia na instansia indiká)
  • Yuda e víktima aserká instansianan konserní dependiendo di e situashon